最新消息
【活動資訊 – 「護心計劃」唔check唔知身體好】
由職安局、勞工處推出嘅「護心計劃」早前10月26日就嚟到灣仔地區康健站，為灣仔區嘅物管公司工友進行健康風險評估，即場量度血壓、身高、腰圍、體脂等指標，關注各位工友嘅心血管疾病風險，而灣仔地區康健站亦向各位工友介紹康健站嘅服務，例如每年健康風險評估、健康班組、工作坊等，齊齊為工友「護心」。
如果有公司或企業，有興趣聯同 灣仔地區康健站 為員工舉辦健康評估、健康講座或工作坊，請致電本中心37515768與社工湯姑娘或余先生聯絡。讓我們一同推動「健康生活在灣仔」！
了解更多
【活動資訊 - 機構健康日(Portal Vision)】
【活動資訊 - 機構健康日(Portal Vision)】好多上班一族工作繁忙，搞到食無定時，好多時都選擇進食濃味（多鹽／高鈉）、油膩或高糖等唔健康嘅食物，而不良飲食習慣亦會增加患上慢性病嘅風險。10月31日灣仔地區康健站註冊護士向灣仔上班一族──Portal Vision嘅員工分享減鹽減糖健康飲食資訊，以及高鈉高糖飲食對身體造成嘅潛在風險。
除咗提醒員工們要注意健康飲食，註冊護士仲為佢哋進行咗健康風險評估、篩查高血壓、糖尿病及其他慢性病嘅風險；而職業治療師就分享咗辦公室人體工學嘅資訊，同埋教佢哋點樣預防因不良姿勢而引起嘅身體勞損問題。
灣仔地區康健站會繼續為社區上唔同年齡嘅人士分享健康資訊，守護大家健康。只要你喺灣仔區居住或者工作，就可以加入成為中心會員，由註冊護士負責進行免費嘅健康風險評估。快啲打電話嚟預約啦！(查詢電話:37515768)
了解更多
【活動資訊 – 糖尿血壓互助小組完滿完成????】
【活動資訊 – 糖尿血壓互助小組完滿完成】有病痛並唔可怕，只要同路人互相鼓勵，互相提點，保持心境開朗????，積極面對，對控制病情都好有幫助。灣仔地區康健站註冊社工舉行嘅糖尿病/高血壓互助小組啱啱完成啦，互助小組嘅目的係為咗患有糖尿病及高血壓病人係日常生活上互相鼓勵，互相分享管理疾病嘅小貼士。
係互助小組入面，社工亦帶領各位進行放鬆心情嘅活動，例如畫畫等治癒心靈嘅活動，一班會員都好投入每一次小組活動。灣仔地區康健站亦會繼續關心大家的健康，幫助大家管理慢性疾病，共建「健康生活在灣仔」
了解更多
【健康資訊 –器官捐贈日2022】
今日11月12日就係「器官捐贈日2022」啦，目的係希望推廣器官捐贈，同埋建立對器官捐贈嘅正面文化，其實器官捐贈係無分年齡，由初生都75歲人士都適合捐贈器官，幫助有需要嘅人，所以唔一定要身體完全健康或者年青力壯先適合㗎。
雖然醫學科技進步，但對器官衰退嘅病人，器官移植仍然係佢哋延續生命嘅唯一希望。灣仔地區康健站全力支持推廣器官捐贈並呼籲各位市民：透過衞生署的中央器官捐贈登記名冊，表明捐贈器官的意願，並告知家人有關的意願，承傳愛心予病人，讓更多人得到重生的機會。中央器官捐贈登記名冊：www.codr.gov.hk
了解更多
【健康資訊 – 世界糖尿病日2022】
每年11月14日就係「世界糖尿病日」，國際糖尿病聯合會及世界衞生組織為2021年至2023年訂立主題——讓糖尿病患者獲得護理，以應對糖尿病對公眾健康逐漸增加的威脅。
糖尿病係香港最主要嘅慢性病，亦係最常見致命疾病中排第十位。年紀增長、肥胖、缺乏運動、遺傳等因素都會增加患上糖尿病嘅風險。但大家唔需要咁慌張，因為只要做到均衡飲食、維持標準體重及腰圍、經常運動、避免煙酒，咁就可以輕鬆預防糖尿病啦!
如果大家都想對糖尿病有多啲認識，即刻致電「灣仔地區康健站」預約登記成為會員，註冊護士就可以為大家進行免費健康風險評估，篩查糖尿病及高血壓嘅風險。查詢及登記電話：37515768
了解更多
【活動資訊 - 灣仔地區康健站 與 葉氏化工集團有限公司 協作活動：「你，健康嗎？」企業健康檢查日】
灣仔地區康健站於11月18日去到葉氏化工集團有限公司 (Yip’s Chemical) 位於灣仔嘅辦公室舉行健康檢查日，註冊護士為各位員工進行健康風險評估，篩查高血壓、糖尿病及其他慢性病嘅風險；護士亦從佢哋日常生活習慣入手，提供預防慢性病嘅健康建議本站亦安排葉氏化工員工於中午時段，在本站的服務點出席健康講座，由註冊護士講解日常飲食少鹽少糖嘅重要性，從而減輕高鈉、高糖飲食對身體造成嘅潛在風險。
再者，職業安全問題同樣需要重視，所以本站註冊職業治療師為各員工講解辦公室人體工學、改善工作環境嘅要點，指導大家保持良好工作姿勢，減低喺辦公室潛在嘅健康風險。職業治療師更即場帶領參加者做伸展運動，示範一啲可以喺辦公室都做到嘅動作，教導員工減輕身體疲勞嘅方法！
灣仔地區康健站會繼續為社區上唔同年齡嘅人士分享健康資訊，守護大家健康。只要你喺灣仔區居住或者工作，就可以加入成為中心會員，由註冊護士負責進行免費嘅健康風險評估。快啲打電話嚟預約啦！（查詢電話:3751576）
了解更多
