最新消息
【活动资讯 – 「护心计划」唔check唔知身体好】
由职安局、劳工处推出嘅「护心计划」早前10月26日就嚟到湾仔地区康健站，为湾仔区嘅物管公司工友进行健康风险评估，即场量度血压、身高、腰围、体脂等指标，关注各位工友嘅心血管疾病风险，而湾仔地区康健站亦向各位工友介绍康健站嘅服务，例如每年健康风险评估、健康班组、工作坊等，齐齐为工友「护心」。
如果有公司或企业，有兴趣联同 湾仔地区康健站 为员工举办健康评估、健康讲座或工作坊，请致电本中心37515768与社工汤姑娘或馀先生联络。让我们一同推动「健康生活在湾仔」！
了解更多
【活动资讯 - 机构健康日(Portal Vision)】
【活动资讯 - 机构健康日(Portal Vision)】好多上班一族工作繁忙，搞到食无定时，好多时都选择进食浓味（多盐／高钠）、油腻或高糖等唔健康嘅食物，而不良饮食习惯亦会增加患上慢性病嘅风险。10月31日湾仔地区康健站註册护士向湾仔上班一族──Portal Vision嘅员工分享减盐减糖健康饮食资讯，以及高钠高糖饮食对身体造成嘅潜在风险。
除咗提醒员工们要注意健康饮食，註册护士仲为佢哋进行咗健康风险评估、筛查高血压、糖尿病及其他慢性病嘅风险；而职业治疗师就分享咗办公室人体工学嘅资讯，同埋教佢哋点样预防因不良姿势而引起嘅身体劳损问题。
湾仔地区康健站会继续为社区上唔同年龄嘅人士分享健康资讯，守护大家健康。只要你喺湾仔区居住或者工作，就可以加入成为中心会员，由註册护士负责进行免费嘅健康风险评估。快啲打电话嚟预约啦！(查询电话:37515768)
了解更多
【活动资讯 – 糖尿血压互助小组完满完成????】
【活动资讯 – 糖尿血压互助小组完满完成】有病痛並唔可怕，只要同路人互相鼓励，互相提点，保持心境开朗????，积极面对，对控制病情都好有帮助。湾仔地区康健站註册社工举行嘅糖尿病/高血压互助小组啱啱完成啦，互助小组嘅目的係为咗患有糖尿病及高血压病人係日常生活上互相鼓励，互相分享管理疾病嘅小贴士。
係互助小组入面，社工亦带领各位进行放松心情嘅活动，例如画画等治癒心灵嘅活动，一班会员都好投入每一次小组活动。湾仔地区康健站亦会继续关心大家的健康，帮助大家管理慢性疾病，共建「健康生活在湾仔」
了解更多
【健康资讯 –器官捐赠日2022】
今日11月12日就係「器官捐赠日2022」啦，目的係希望推广器官捐赠，同埋建立对器官捐赠嘅正面文化，其实器官捐赠係无分年龄，由初生都75岁人士都适合捐赠器官，帮助有需要嘅人，所以唔一定要身体完全健康或者年青力壮先适合㗎。
虽然医学科技进步，但对器官衰退嘅病人，器官移植仍然係佢哋延续生命嘅唯一希望。湾仔地区康健站全力支持推广器官捐赠並唿吁各位市民：透过衞生署的中央器官捐赠登记名册，表明捐赠器官的意愿，並告知家人有关的意愿，承传爱心予病人，让更多人得到重生的机会。中央器官捐赠登记名册：www.codr.gov.hk
了解更多
【健康资讯 – 世界糖尿病日2022】
每年11月14日就係「世界糖尿病日」，国际糖尿病联合会及世界衞生组织为2021年至2023年订立主题——让糖尿病患者获得护理，以应对糖尿病对公众健康逐渐增加的威胁。
糖尿病係香港最主要嘅慢性病，亦係最常见致命疾病中排第十位。年纪增长、肥胖、缺乏运动、遗传等因素都会增加患上糖尿病嘅风险。但大家唔需要咁慌张，因为只要做到均衡饮食、维持标准体重及腰围、经常运动、避免烟酒，咁就可以轻松预防糖尿病啦!
如果大家都想对糖尿病有多啲认识，即刻致电「湾仔地区康健站」预约登记成为会员，註册护士就可以为大家进行免费健康风险评估，筛查糖尿病及高血压嘅风险。查询及登记电话：37515768
了解更多
【活动资讯 - 湾仔地区康健站 与 叶氏化工集团有限公司 协作活动：「你，健康吗？」企业健康检查日】
湾仔地区康健站于11月18日去到叶氏化工集团有限公司 (Yip’s Chemical) 位于湾仔嘅办公室举行健康检查日，註册护士为各位员工进行健康风险评估，筛查高血压、糖尿病及其他慢性病嘅风险；护士亦从佢哋日常生活习惯入手，提供预防慢性病嘅健康建议本站亦安排叶氏化工员工于中午时段，在本站的服务点出席健康讲座，由註册护士讲解日常饮食少盐少糖嘅重要性，从而减轻高钠、高糖饮食对身体造成嘅潜在风险。
再者，职业安全问题同样需要重视，所以本站註册职业治疗师为各员工讲解办公室人体工学、改善工作环境嘅要点，指导大家保持良好工作姿势，减低喺办公室潜在嘅健康风险。职业治疗师更即场带领参加者做伸展运动，示范一啲可以喺办公室都做到嘅动作，教导员工减轻身体疲劳嘅方法！
湾仔地区康健站会继续为社区上唔同年龄嘅人士分享健康资讯，守护大家健康。只要你喺湾仔区居住或者工作，就可以加入成为中心会员，由註册护士负责进行免费嘅健康风险评估。快啲打电话嚟预约啦！（查询电话:3751576）
了解更多
