世界衞生組織訂立每年5月31日為「世界無煙日」，無論任何形式嘅煙草都對健康有害，煙草幾乎對身體任何一個器官都造成傷害，例如增加心血管疾病風險、導致癌症、哮喘等。除咗對自身造成影響外，接觸二手煙亦會令非吸煙者增加患上肺癌風險，對身邊親朋健康造成威脅。 為響應「世界無煙日」，衞生署控煙酒辦公室推出「六月．戒煙月」活動，不論任何年齡，煙都能為健康帶來即時和長遠的裨益，所以由今日起決心戒煙啦。 為咗令市民更容易戒除煙癮，灣仔地區康健站由即日起會有專業團隊協助大家戒煙，包括註冊護士及藥劑師諮詢、評估、戒煙輔導、個案跟進及免費戒煙藥物。

世界家庭醫生組織(WONCA)將每年5月19日定為「世界家庭醫生日」，以表揚家庭醫生在應對公共衞生危機所作出的貢獻。為響應世界家庭醫生日，本港醫務衞生局聯同香港家庭醫學學院合辦「家庭醫生推廣日」，在社區層面推廣疾病預防及一人一家庭醫生概念。 灣仔地區康健站今日（5月19日）亦有出席家庭醫生推廣日，早前更製作短片，宣傳家庭醫生對推動基層醫療健康服務的重要性。家庭醫生在基層醫療中，扮演著重要的角色，他們的職責包括：為市民診斷、治療各種疾病、照顧慢性病患者、進行健康檢查、管理市民的健康、提供預防疾病建議及健康資訊，從而提升整體市民大眾的健康水平和預防疾病的能力。

（灣仔地區康健站 與 香港真光中學小學部 協作活動） 灣仔地區康健站3月25日聯同香港真光中學小學部舉行嘅康健校園同樂日圓滿結束啦，除咗有註冊護士為係灣仔區居住或工作嘅家長同學生進行健康風險評估，篩查慢性病，例如高血壓及糖尿病嘅風險，亦進行與學生嘅成長、營養、體重管理等有關嘅檢查。 除咗健康風險評估外，同樂日亦有網絡註冊物理治療師親子運動班，希望小朋友發掘到運動嘅樂趣，平衡繁忙嘅學業，亦期望家長可以以身作則陪同子女做運動，令子女養成運動習慣。另外網絡註冊營養師亦分享兒童健康小食資訊，透過遊戲、親子競技傳遞健康飲食資訊畀各位小朋友同家長，各位學生都樂在其中，從玩樂中學習。 灣仔地區康健站致力推動「健康生活在灣仔」，安排專業的醫護人員走訪不同的學校及企業，宣揚少鹽少糖的健康訊息。如有其他學校的老師都有意舉辦有關「少鹽少糖」的健康講座或營養工作坊，歡迎致電 37515768 ，與本站社工湯姑娘或余先生聯絡。

2月26日(星期日) 適逢印尼籍人士嘅假期，灣仔地區康健站為灣仔區居住或工作嘅印尼籍人士舉行健康檢查日，註冊護士為佢哋進行詳細嘅健康風險評估，睇吓有冇高血壓同埋糖尿病嘅風險，各位亦借此向護士諮詢各種醫療資訊。我哋仲安排咗印尼翻譯人員，方便溝通。除咗風險評個外，註冊藥劑師亦為有需要嘅人進行藥物諮詢，從而提升服藥嘅安全性、療效等。檢查日仲有註冊營養師分享護心飲食資訊，註冊物理治療師嘅健身球運動班同埋瑜珈班。希望藉此喚起健康飲食同適量運動對預防各種慢性病嘅重要性。 非常感激印尼領事館協助幫忙宣傳令健康檢查日順利舉行，灣仔地區康健站會繼續關心社會上有需要嘅人，包括各個少數族裔社群，共建健康生活在灣仔。

灣仔地區康健站聯同香港國際社會服務社HOPE少數族裔人士支援服務中心喺2023年2月4日舉行健康檢查日。活動當日，護理統籌主任（註冊護士）為唔同國籍嘅灣仔區居民同埋工作人士進行健康風險評估，而註冊藥劑師亦為他們提供藥物諮詢服務。另外，註冊藥劑師舉辦有關高血壓的講座，讓參加者認識高血壓嘅成因、對身體影響及治療方法。 灣仔地區康健站非常感謝HOPE少數族裔人士支援服務中心嘅協助，令活動得以順利舉行！本站會繼續關心社會上唔同種族嘅人士，為市民嘅健康把關，推動「健康生活在灣仔」！

新春期間大家難免會大吃大喝。傳統過年食品一般離不開各式糕點、油炸食物、糖果和零食等，多屬「三高」即高脂肪、糖分或鹽分，應少吃為妙以免讓體重增加或影響健康。 賀年糕點寓意「步步高陞」，當中包括年糕、 蘿蔔糕、芋頭糕、馬蹄糕等。其中椰汁年糕熱量和糖分較高，每100 克含約250千卡熱量（相等於一碗飯）和25克糖。鹹糕點如蘿蔔糕和芋頭糕雖熱量和糖分較低，但製作時會常加入臘肉和臘腸等高脂、高鈉醃製材料，以每100克計算，已含約5克脂肪和400毫克鈉質，多吃也會影響血壓和心臟健康。 建議進食糕點時，應「一件起，兩件止」並適量調整正餐中的穀物份量，以助維持體重和血糖水平。翻熱糕點時，以蒸或利用易潔鑊配合煎焗紙少油煎則可減少用油量。進食時應避免額外添加醬汁如豉油、蠔油、豆瓣醬等。想吃得更健康，大家可考慮以熱量及脂肪較低的「低糖桂花糕」作選擇或自製傳統糕點，例如蘿蔔糕，其實步驟都非常簡單，註冊營養師1月7日就嚟到灣仔地區康健站教大家整健康蘿蔔糕，以較健康嘅食材包括蝦米、瑤柱、冬茹及瘦叉燒代替臘腸及臘肉。仲帶嚟芝麻南瓜燒餅，金黃色嘅燒餅真係啱晒新年嘅時候食啊，大家都不妨自製賀年糕點，迎接一個健康嘅兔年